"Қазақстан-Қытай халықаралық өнеркәсіп қаласы" жобасының құрылыс жұмыстары басталды
«Қазақстан-Қытай халықаралық өнеркәсіп қаласы» ЖШС жобасы «Қорғас-Шығыс қақпасы» АЭА аумағында қазу жұмыстарын бастады. Кәсіпорын 200 гектар аумақта құрылыстың бірінші кезеңін жүргізуде, оның ішінде инженерлік желілер мен магистральдық көшенің құрылысы да бар.
Сондай-ақ 2023 жылдың қарашасынан инвесторлар құрылыстың бірінші кезегінде АЭА аумағынан тыс әкімшілік ғимараттар мен қонақ үй нысандарының құрылысын бастауды жоспарлап отыр.
Жобаның мақсаты - индустриалды парк салу, «Қорғас – Шығыс қақпасы» АЭА-да өндірістік және логистикалық қызмет көрсетуді ұйымдастыру.
Жобаның құны 330 млрд теңге. Жақын елді мекен тұрғындары үшін 2 мыңнан астам жұмыс орны ашылады.
«Қорғас-Шығыс қақпасы» АЭА баспасөз қызметі
Дереккөз: Жетісу облысының әкімдігі